Categories
general

జగన్ ప్రభుత్వాన్ని చిరంజీవి మరోసారి మెచ్చుకున్నారు…. ఎందుకంటే…

కరోనా సెకండ్ వావేలో భారతదేశం చాలా ఇబ్బందులు పడింది, దానితో వ్యాక్సినేషన్ ప్రజలకు త్వరగా అందించాలని చూస్తుంది, ఈ క్రమంలో ఆంధ్ర ప్రదేశ్ ప్రభుత్వం రికార్డు స్థాయిలో వ్యాక్సినేషన్‌ ప్రక్రియ చేపట్టి భారీ సంఖ్యలో కరోనా టీకాలు వేయడాన్ని ప్రముఖ సినీ నటుడు, మాజీ కేంద్రమంత్రి మెగాస్టార్ చిరంజీవి అభినందించారు,కొవిడ్ వ్యాక్సినేషన్ స్పెషల్ డ్రైవ్ చేపట్టడం పట్ల మెగాస్టార్‌ చిరంజీవి సంతోషం వ్యక్తం చేశారు. ఓకే రోజు 13.72 లక్షల మందికి వ్యాక్సిన్‌ వేయించిన వైఎస్‌ జగన్‌ ప్రభుత్వంపై ప్రశంసిస్తూ ఒక ట్వీట్ చేశారు, కరోనా ‌ మహమ్మారి కట్టడి కోసం ఏపీ వైద్య ఆరోగ్య శాఖ చేస్తున్న ప్రయత్నాన్ని సోషల్‌ మీడియా వేదికగా చిరు అభినందించారు,కొవిడ్‌ నియంత్రణ కోసం ఏపీ ప్రభుత్వం చేసిన ప్రయత్నం దేశానికే ఆదర్శంగా నిలిచిందని కొనియాడారు. ఆదర్శవంతమైన పరిపాలన కొనసాగిస్తున్న ముఖ్యమంత్రి వైఎస్‌ జగన్‌మోహన్‌రెడ్డికి శుభాకాంక్షలు అంటూ చిరు ట్వీట్‌ చేశారు. గతంలో కూడా జగన్ గతంలో పలు సందర్భాల్లో ప్రభుత్వ పనితీరును అభినందించారు. కర్నూలు ఎయిర్ పోర్టుకు ఉయ్యాలవాడ నరసింహారేడ్డి ఎయిర్ పోర్టుగా నామకరణం చేసినప్పుడు కూడా ప్రభుత్వాన్ని అభినందించారు

ఒకే రోజులో ఆంధ్రప్రదేశ్ ప్రభుత్వం 6 లక్షల మందికి వ్యాక్సిన్‌లు ఇచ్చిన రికార్డును తనకు తానే తిరగరాసింది,ఏపీ రాష్ట్ర వ్యాప్తంగా సుమారు 13 లక్షల మందికి వ్యాక్సిన్ అందించారు, ఉదయం నుంచి ప్రారంభమైన వ్యాక్సినేషన్ కార్యక్రమాన్ని ఒక ఉద్యమంగా ప్రజలకు చేరువ చేసి ఈ రికార్డు సృష్టించారు

ఈ నేపథ్యంలో రాష్ట్ర ప్రభుత్వాన్ని, సీఎం జగన్ పనితీరును అభినందిస్తూ చిరంజీవి ట్వీట్ చేశారు. ముఖ్యంగా వైద్య సిబ్బంది పనితీరు ప్రతి ఒక్కరూ కరోనాను ఎదుర్కనేలా ఆత్మవిశ్వాసాన్ని కలిగిస్తాయన్నారు. స్ఫూర్తిదాయకమైన పాలన అందిస్తున్న సీఎం జగన్ కు అభినందనలు తెలుపుతూ చిరంజీవి పేర్కొన్నారు.

Leave a Reply

Your email address will not be published.